|
Яъни, ажр, савоб фақат Аллоҳ йўлида инфоқ қиладиганлар, қилган инфоқлари ортидан миннату озорни эргаштирмайдиганлар учундир. Яъни, инфоқлари холис Худо учун бўлганларга улуғ ажрлар, савоблар бордир. Улар ўзларининг келажагидан қўрқмайдилар, қўлдан кетган нарса учун хафа бўлмайдилар. Улар учун бутун амният бордир: Бу дунёда яхши ҳаёт, охиратда эса қилган гуноҳларининг мағфират этилиши билан сийланурлар.
لَّهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ
(Улар учун ҳеч қандай хавфу хатар йўқ ва улар ғамгин бўлмайдилар).
(الَّذِينَ يُنفِقُونَ أَمْوَالَهُمْ فِي سَبِيلِ اللّهِ молларини Аллоҳ йўлида сарфлайдиган зотлар) яъни, жиҳод йўлида.
ثُمَّ لاَ يُتْبِعُونَ مَا أَنفَقُواُ مَنّاً وَلاَ أَذًى
(Сўнгра берган нарсаларига миннат ва озорни эргаштирмайдиган) бу сўз аслида кесиш, узиш маъноларини англатади. (حبل منين манин (миннатли) арқон), дегани заиф, нимжон, узилиб кетай деб турган арқон, деганидир. Бу ерда бу сўз нафақадаги риёдан, фахрланишдан киноя бўлиб келяпти.
(أَذًى озор) эса инфоқ қилувчининг ўзи қиладиган бир ёмонликдир. Масалан, инфоқ қилишдан кўзлаган мақсади амалга ошмай қолса, қандайдир акс таъсирланади. Жанг учун бирор жиҳоз ёки қурол-аслаҳа беради-да, давлат шу ишини мужоҳидлар олдида намойиш қилишини истайди. Давлат намойиш қилмай қолса, акс таъсирланиб, ишни бузади, яхшилигини ёмонликка айлантириб юборади.
Муборак оятдаги хослаш
ثُمَّ لاَ يُتْبِعُونَ مَا أَنفَقُواُ مَنّاً وَلاَ أَذًى
(Сўнгра берган нарсаларига миннат ва озорни эргаштирмайдиган) шундай васф билан келганки, унда Аллоҳнинг йўлидаги нафақада Аллоҳ уни қабул қилиши ва унга ўша айтилган мукофотни бериши учун тўла ихлос бўлиши шартлиги ўз ифодасини топган. Ҳа, нафақа холис Худо учун бўлиши, унга ҳеч қандай миннату озорлар аралашмаслиги лозим.
Ана шунда улар Аллоҳ Ўз дўстларига тайёрлаб қўйган улуғ мукофотга ноил бўлурлар.
أَلا إِنَّ أَوْلِيَاء اللّهِ لاَ خَوْفٌ عَلَيْهِمْ وَلاَ هُمْ يَحْزَنُونَ
– „Огоҳ бўлингизким, албатта Аллоҳнинг дўстларига (охиратда) бирон хавф-хатар йўқдир ва улар ғамгин бўлмайдилар“. [10:62]
@ @ @
136-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232